Një efektiv i Gardës së Republikës, i cili shërbente si pjesë e grupit të shoqërimit të Kryeparlamentares Lindita Nikolla u arrestua nga policia, pas përfshirjes në një konflikt të dhunshëm me fqinj të tij. Ngjarja ndodhi dy ditë më parë në Hamallaj në Durrës.
Ndërkohë sot në një takim me drejtues dhe oficerë të Gardës së Republikës, ministri i Brendshëm, Taulant Balla, teksa përmendi rastin e ish-gardistit Martin Nikolli, i cili së bashku me vëllezërit e tij dhunuan anëtarët e familjes Kaçi, theksoi se ngjarje të tilla ku punonjës të gardës shkelin ligjin dhe Kodin e Etikës nuk duhet të ndodhin.
“Adresuar një problematike të një fenomeni që nuk duhet të ndodhë më me asnjë punonjës të Gardës lidhur me një rast të bërë publik së fundmi ku natyrshëm veprimi ynë ishte i menjëhershëm, pasi një anëtar i kësaj garde shkeli normat etike të funksionimit.
Ndër vite garda ka pasur dhe ka suksese në ruajtjen e personaliteteve dhe organizimin e mjaft takimeve të rëndësishme, sikurse patëm vjet samitin dhe do kemi në shtator procesin e Berlinit, që mbarvajtjen e tij e ka Garda e Republikës. Ne do vazhdojmë të rrisim mbështetjen për Gardën”, tha Balla.
Discussion about this post