Rasti “Pogba” tronditi Francën dhe të gjithë botën, pak javë para fillimit të Botërorit 2022 në Katar. Pas kërcënimeve në rrjetet sociale nga Mathias Pogba, vëllai i madh i ish-mesfushorit të Machester United, i cili kishte siguruar se ai kishte “prova të forta për Paul, Rafaela Pimenta dhe Kylian Mbappé”, “Kutia e Pandorës” u hap, duke zbuluar një histori të errët shantazhi dhe përpjekjesh zhvatjeje kundër Paul, i cili do të rrëmbehej për një natë nga një grup kriminelësh.
Tani, lojtari i bardhezinjve dhe shantazhuesit e tij të dyshuar janë thirrur në gjykatën e Parisit, me seancën që do të mbahet më datë 15 shtator. Kjo do të jetë hera e parë që mesfushori do të përballet personalisht me vëllanë e tij, të paditur për tentativë zhvatjeje.
Gjithçka filloi me një padi nga francezi. Pogba, i cili në atë kohë kishte nënshkruar për United, kishte thënë se ishte mashtruar nga disa miq të fëmijërisë dhe ishte rrëmbyer për një natë të tërë në një apartament nga dy persona me kapuç dhe të armatosur, të cilët dyshohet se i kanë kërkuar një pagesë prej 13 milionë eurosh për ta lënë të gjallë.
Pogba dyshohet se ka dorëzuar vetëm 100,000 euro dhe është liruar, edhe pse më pas ka marrë kërcënime të tjera.
Discussion about this post