Deputeti i Partisë Demokratike Klevis Balliu ka ironizuar fushatën e Partisë Socialiste me mbjellje pemësh në prag të zgjedhjeve lokale të 14 Majit.
Pak para nisjes së ceremonisë për hapjen e fushatës së PD në stadiumin Air Albania, Balliu u shpreh se kjo maxhorancë nuk shquhet për mbjellje pemësh por për mbjellje droge dhe pallatesh.
“Kjo maxhorancë nuk shquhet për mbjellje pemësh. Shquhet për mbjellje droge. Shkuan në darkë atje dhe bënë një festë me paratë e qytetarëve,, Këta kanë mbjellë pallate dhe drogë”, u shpreh ai.
Balliu theksoi se PD ka bindjen se disa nga bashkitë kryesore si Tirana, Elbasani, Durrësi, Kamza do të votojnë për kandidatët e opozitës.
“Tirana, Elbasani, Durrësi, Kamza janë të fituara nuk diskutohen ato. Kemi mungesë të ujit të pijshëm dhe infrastrukturës kudo në Shqipëri. Një dhimbje e madhe është edhe largimi dhe ndarja e familjeve Të rinjtë dhe të rejat janë larguar për shkak të mungesës në Shqipëri”, tha ai.
Ai akuzoi ministren e Infrastrukturës Belinda Balluku se vjedh taksat e qytetatëve duke ndërtuar rrugë 30 mln euro kilometri.
Discussion about this post