Balliu: Kthimi i Belës, vazhdim i aferave me Ramën dhe i skemës së grabitjes së qytetarëve

Deputeti i Partisë Demokratike, Klevis Balliu, ka reaguar ashpër ndaj rikthimit të Belës në skenë, duke e cilësuar këtë zhvillim si sinjal të vazhdimit të aferave me kryeministrin Edi Rama. Sipas Balliut, festimet e patronazhistëve nuk janë shenjë gëzimi publik, por tregues i rikthimit të një skeme të njohur abuzimi, që godet drejtpërdrejt qytetarët më të varfër në Europë. Ai akuzon qeverinë se përdor propagandën dhe sulmet ndaj opozitës për të mbuluar vjedhjet dhe abuzimet me paratë e shqiptarëve.

Reagimi i deputetit të PD, Klevis Balliu:

Kthehet Bela për të vazhduar aferat me Ramën.

Patronazhistët hedhin fishekzjarre, mbase nga ‘gëzimi’, sepse rikthehet skema e vjedhjes së popullit më të varfër në Europë.

Ndërkohë që qeveria merret me sulme ndaj opozitës, super-hajdutja e kryehajdutit rikthehet për të vijuar abuzimet me paratë e qytetarëve.

Qeveria financon propagandën dhe sulmet politike ndaj opozitës vetëm për të mbuluar vjedhjet e saj ndaj shqiptarëve.