Ka përfunduar ndeshja e raundit të 13 të Superligës kosovare dhe Ballkani ka fituar me rezultatin 2-0 derbin ndaj Dritës. Vendasit dominuan gjithë këtë sfidë, teksa Drita nuk mund të jepte asgjë në derbi.
Ndonëse bënë një lojë të bukur dhe që e kishin të gjithën nën kontroll, Suharekasit nuk mundën që të shënonin në pjesën e parë të këtij takimi.
Do të duhej minuta e 54-ët që ekipi i Ballkanit të kalonte në avantazh, pas golit të Solomon, i cili u asistua nga Edvin Kuc.
Ndërsa vetëm katër minuta më pas ish-lojtari i Partizanit do të dyfishonte shifrat për ekipin dhe për veten e tij.
Solomon është duke kaluar një sezon të mirë në Kosovë dhe është kthyer në vendimtar te ekipi i Ballkanit, i cili aktualisht kaloi në krye të tabelës me 24 pikë, dy më pak se Drita që pozicionohet në vend të dytë./K.T/Gijotina.com
Discussion about this post