Ballkani i hapur, kryeministrat e Ballkanit Perëndimor pritet të mblidhen këtë javë në Tiranë

Kryeministri Edi Rama pritet të mbledhë në Tiranë, kryeministrat e Ballkanit Perëndimor, gjatë kësaj jave.

Sipas burimeve, ky takim do të jetë i formatit “retreat” ditën e enjte.

Ky takim zhvillohet në kuadër të iniciativës “Open Balkan”.

Kryeministrat pritet të diskutojnë përmbushjen e asaj çfarë është dakordësuar në takimet e shkuara të “Open Ballkan”.

Situata në rajon dhe veçanërisht, zhvillimet në Veri të Kosovës do të jenë pjesë e diskutimeve.

Vendi i zgjedhur për këtë takim është një prej hoteleve hapur kohët e fundit, në qendër të Tiranës.