Kryetari i Partisë Demokratike, Sali Berisha po zhvillon këtë të enjte një takim me intelektualët që i janë bashkuar Partisë Demokratike. Gjatë takimit, Berisha u shpreh kundër samititit në Ohër të “Ballkanit të Hapur” ndërsa akuzoi Ramën për raportin e afërt me liderin serb, Aleksandar Vuçiç. Berisha tha se Rama përkrahu gjenocidin dhe iu drejtua si të ishin ‘derra’.
“ Jam i nderuar që marr pjesë sot në këtë takim me simbolikë shumë të madhe për PD-në. PD-ja kaloi një proces Rithemelimi. Vendosi disa ndryshime thelbësore statutore.
Kjo ka një vlerë shumë të madhe sepse është jetësore forma e përfaqësimit. Ne kemi ngritur në këmbë PD në sepse ishte në një dëshpërim të thellë kishte kaluan nga disfata në disfatë.
Mesazhet në takimin e Ohrit ishin katastrofë. Nga njëra anë i dilej zot atij që nuk njeh genocidin, por ai është i aftë ta bëjë sërish sepse i duket krim i dobishëm. Nuk kam dëgjuar kurrë në një takim të thuhet se ke vrarë këtë e atë, Rama i trajtoi njerëzit e vrarë si derra.
Ai është fatkeqësi e njerëzimit jo vetëm e kombit përderisa flet në atë mënyrë. Statistikat tregojnë se eksportet serbe janë rritur me 48% me Shqipëri. Ka filluar një betejë ndaj biznesit të vogël, a ka gjë më anti sociale? Kjo do të thotë ikni nga Shqipëria. Ndjej keqardhjen më të madhe për shkatërrim të shërbimit shëndetësor. Nuk do doja ta thoja se jam mjek vetë por kanë ikur mjekët. Këtu, nga Covidi po gënjejnë me rritjen e rrogave.”-tha Berisha.
I pranishëm në takim, Luçiano Boçi theksoi se Shqipëria është vendi me politikanët më të pasur dhe me intelektualët më të varfër.
“Faleminderit që jeni bashkuar në misionin tonë për rithemelimin e PD-së. Takimi i sotëm ka një simbolikë të dyfishtë. E para lidhet me vendin, Elbasani njihet për vlerat intelektuale dhe pozicionin krah PD-së. E dyta lidhet me faktin që ne po rindërtojmë marrëdhënien me intelektualin e qytetarin e me çdo shtresë të shoqërisë sonë.
Një nga komentuesit e shkrimeve të mia tha para ca ditësh që Shqipëria është vendi më i pasur me politikanët më të pasur por unë do i shtoja që është me intelektualët më të varfër.
Regjimet mund të blejnë gjithçka me interesa me para, por nuk mund të blejnë botën e ideve që i përket intelektualëve. Duke mbajtur nen kontroll intelektualët në mbajmë nën kontroll shoqërinë. Ta bëjmë tonën botën e ideve.”-tha Boçi.
Discussion about this post