Ballkani mbyll në avantazh raundin e parë ndaj Lincoln

Ballkani vazhdon të bëjë paraqitje shumë të mira në Europë dhe falë fitores 2-0 përballë Lincoln Red Imps hedh një hap të madh drejt kualifikimit në fazën e Play Off-it të Conference League.

Skuadra e Ilir Dajës dominon kundërshtarin, por arrin të zhbllokojë rezultatin vetëm në minutën e 60’ të pjesës së dytë.

Korenica shënoi golin e pare duke bërë që të shpërthente festa në stadiumin e qytetit të Prishtinës.

Pak minuta më vonë, shqiptari Lorenc Trashi realizoi një super-gol, që vulosi fitoren 2-0 të skuadrës nga Suhareka.

Pas një jave, skuadra kosovare do udhëtojë drejt Gjibraltarit, për të mbylluar llogaritë përballë klubit rekordmen nga territori i vogël britanik.