Ballkani do të zbres në fushë për herë të parë këtë edicion në Conference League.
Kampionët e Kosovës u eliminuan nga raundi i parë i Ligës së Kampionëve, por nuk e kanë përfunduar akoma rrugëtimin në garat evropiane.
Ballkani përballet sot me skuadrën nga Malta, Hamrun Spartans, ndeshje e vlefshme për turin e dytë të kualifikimeve në Conference League.
Suharekasit synojnë që të marrin fitore në ndeshjen e parë, në mënyrë që të bëjnë një hap para drejt kualifikimit në turin e tretë.
Dueli mes Ballkanit dhe Hamrun Spartans fillon në orën 18:00 dhe do të zhvillohet në stadiumin ‘Zahir Pajaziti’ në Podujevë.
Fituesi i kësaj çifti në turin e tretë të Conference League takohet me skuadrën irlandeze Larne.
Discussion about this post