Ballkani po përballet me shifra të lartë të personave të prekur me Covid-19. Nga shifrat që bëhen publike nga ministritë përkatëse bie në sy numri i rasteve ditore. Këto vende tashmë po mendojnë për shtrëngimin e masave, ku kanë filluar dhe aplikimin e tyre.
Në Slloveni u regjistruan 4,511 raste të reja, në Rumani 9000, Kroaci 6310, Bullgari 5000, ndërsa në Serbi 6126.
Kroacia ka shënuar numrin më të lartë të rasteve ditore që prej fillimit të pandemisë. Qeveria atje ka vendosur ashpërsimin e masave
“Për ta parandaluar përhapjen e sëmundjes, duhet që ta kufizojmë numrin e njerëzve që mund të tubohen në hapësira të mbyllura, ta rrisim numrin e personave të vaksinuar dhe ta rrisim sigurinë gjatë bërjes së biznesit”, tha ministri kroat i Punëve të Brendshme, Davor Bozinoviq.
Do të ulet numri i personave të cilët do të jenë të pranishëm në sallat e mbyllura, nga 100 do të ulet në 50 persona. Këtu përjashtohen vetëm personat të cilët janë vaksinuar. Të gjitha tubimet në hapësira të mbyllura duhet të përfundojnë në mesnatë.
Nëse shifrat do të vijojnë të rriten sërish, atëherë hyrja në restorante, kafene, qendra fitnesi etj do të bëhet vetëm nëpërmjet certifikatave digjitale.
Pritet që masat anticovid në Kroaci të vijojnë të jenë të tilla edhe në vitin 2022, ku më pas do të shihet sërish se si do të lëvizë numri i ta infektuarve.
Discussion about this post