E ngarkuara e SHBA në Tiranë këtë martë ka shkuar në zyrat e Kuvendit të Shqipërisë për një takim informal me Kryetarit e Kuvendit të Shqipërisë Niko Peleshi.
Ende nuk dihen arsyet e takimit mes dy përfaqësuesve.
Takimi i Van Horn vjen një ditë pas takimit të Grupit Parlamentar të PS-së ku është propozuar dhe ndryshimi ligjor në Nenin 242.
Ditën e nesërme, Nancy VanHorn do të zhvillojë gjithashtu dhe një takim me kreun e grupit parlamentar të Partisë Socialiste, Taulant Balla.
Ndërkohë ditën e djeshme Partia Socialiste prezantoi ndryshimet në nenin 242 të Kodit të procedurës Penale ku përveç të zgjedhurve vendorë, nuk mund të pezullohen më nga detyra me vendim gjykate dhe 7 subjekte të reja, përfshirë këtu dhe ministrat. Këto ndryshime vijnë pas pezullimit nga detyra të Belinda Ballukut me vendim të GJKKO-së.
Ndërkohë që pak ditë më vonë do të mblidhet edhe Komisioni i Mandateve të Parlamentit për të diskutuar kërkesën e SPAK për heqjen e imunitetit të Belinda Ballukut dhe arrestimin e saj.
Discussion about this post