Projektet e parqeve fotovoltaikë po kthehet në një tjetër aferë korruptive, që po përdor qeveria për të pasuruar klientët e saj të favorizuar. Kompani me vetëm 100 mijë lekë, të krijuara para një viti, “propozojnë” që të ndërtojnë parqe fotovoltaikë. Kështu, më 26 tetor 2022, Ministria e Infrastrukturës ka njoftuar kompanitë që kanë shfaqur interes për vendosjen e impianteve. Ajo që vihet re nga shqyrtimi i dokumenteve për secilën nga këto kompani, rezulton se ministrja Belinda Balluku po u shpërndan “parqe voltaike” firmave pa lekë dhe pa eksperiencë. Dy prej firma janë krijuar vitin e fundit. Ndërsa një kompani tjetër ka qenë vazhdimisht objekt i përmbarimit se nuk shlyente kreditë.
Konkretisht, dy nga kompanitë që kanë bërë kërkesë për të përfituar nga ky projekt janë si firma pa asnjë eksperiencë. Bëhet fjalë për “XHOSA ENERGY” SH.P.K me pronar Josif Gjeçi dhe firma “NEON ENERGY” pronësi të Vilçens Grëmit. Të dyja këto kompani nuk zotërojnë asnjë licencë dhe asnjë aktivitet, në qershor të 2021 dhe tjetra në prill të vitit 2022. Gjithashtu, vihet re se këto kompani kanë si kaptial shumën prej 100 mijë lekësh. Vlerë e cila është anomalisht e ulët për të përballuar një projekt si ai parqeve fotovoltaikë. Por, nëse e rregullon me ministren Balluku, mund të gdhihesh milioner. 
Hijet e skandalit shtohen, edhe më shumë, kur konstatojmë se i njëjti pronar ka aplikuar me dy kompani të ndryshme që zotëron. Bëhet fjalë për kompanitë “Doko shpk” dhe “Albania Power Core”, në pronësi të Fatbardh Dokos. Sipas dokumenteve firma “Doko shpk” është krijuar në vitin 1996 dhe ka licencë, të paktën për ndërtime. Theksojmë se Doko vazhdimisht është bllokuar nga përmbarimi për shkjak se nuk shlyente kreditë e marra nëpër banka
Ndërsa firma tjetër është ngritur si një kompani fiktive që Doko mund të sigurojë një pjesë të mirë nga torta e “parqeve fotovoltaikë”. Sipas dokumenteve, Albania Power Core” është krijuar me 7 korrik të këtij viti dhe nuk ka asnjë licencë.
Në skandal, të përfshira edhe bankat
Duke investiguar rrethanat e kompanive të interesuara, konstatohet se dhënia e lejeve për këto parqe shërben si garanci për marrjen e kredive nëpër banka. Më vonë, nëse u referohemi precedentëve, parqet fotovoltaikë mbeten në letër. Në skandal janë të përfshira edhe bankat, të cilat japin kredi fiktive dhe në fund nuk kanë çfarë t’u marrin. Pasi garanci është vetëm ndonjë arë dhe letrat e firmosura nga Belinda Balluku. Nga një audim i bërë nga Kontrolli i Lartë i Shtetit në Ministrinë e Belindës, në shtator 2022, rezulton se kompania “E.” rezulton me kontrata të vazhdueshme me banka të nivelit të dytë për sigurimin e burimeve të financimit.
““E.shpk” kontrata nr. 6583 rep. Nr. 2075 kol., datë 29.12.2018, pasi është kërkuar të vihet në dispozicion informacioni periodik i dërguar nga ana e subjektit, është vënë në dispozicion shkresa, protokolluar në MIE me nr. 10916 prot., datë 27.12.2019. Në të cilën shoqëria shprehet se është në proces të amendimit të kontratës me kompani të huaja prodhuese të paneleve. Si dhe është në kontakte të vazhdueshme me banka të nivelit të dytë për sigurimin e burimeve të financimit. Nga ana e MIE nuk rezulton të ketë asnjë formë mbikëqyrje ose monitorimi, duke deleguar plotësisht monitorimin te AKBN” , theksohet në raportin e KLSH. Pra, kjo kompani nuk i shlyen kreditë dhe për këtë është bërë vazhdimisht objekt i përmbarimit. Ndërsa Balluku po kërkon që ta ndihmojë dhe të vazhdojnë bashkëpunimin.
Për të tjera kompani me të cilat bashkëpunon MIE rezulton se, nuk ka asnjë informacion mbi aktivitetin e tyre. Madje nën asnjë prej tyre MIE nuk ka bërë kontrollin e detyruar. Pra, të gjitha këto kompani rezultojnë në shkelje dhe po veprojnë në fshehtësi. Ato po përfitojnë në heshtje nga projekti propagandë i Ballukut, të cilin e përdorin thjesht për të marrë kredi miliona euro nëpër banka./ Esmeralda Hida/
Lexo edhe:Dritan Agolli i FSHZH-së bën tender “sekret”, 3 miliardë lekë për panele diellore
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post