Gazetari Almer Toska, ka bërë një deklaratë të fortë në emisionin “Log” në News24, duke paralajmëruar se zëvendëskryeministrja Belinda Balluku mund të arrestohet para datës 15 dhjetor.
Sipas Toskës, SPAK po heton dy dosje që lidhen me tenderat e akseve rrugore Ersekë–Korçë dhe Milot–Rrëshen.
Ai tha se fleta e arrestit për Ballukun pritet të dërgohet në Kuvend, ndërsa akuzoi se në prapaskenë po bëhen pazare për të ndikuar në hetim.
“Unë po ta them ekskluzive. Altin Dumani po negociojnë po ndajnë pazaret që Balluku të shpëtojë kojkën dhe Dumani të marrë benjaminin e tij në krye të BKH, Elton Kërluku, Pazar që po përflitet në SPAK.
Fleta e arrestit për Belinda Ballukun do shkojë shumë shpejt në Kuvend. Janë dy dosje që po hetohen sot, aksi rrugor Ersekë-Korçë dhe Milot-Rrëshen. Balluku për mua arrestohet para 15 dhjetorit.
Pse nuk i bllokohet të paktën pasaporta Ballukut? Po kërkon lobistë në SHBA sepse ka ambicie të hajë kokën e Ramës”, tha ai.
Discussion about this post