Debate dhe replikat kanë vijuar edhe ditën e sotme në Parlament për gjuhën e përdorur ndaj grave politikane, si nga kryeministri Edi Rama dhe deputetë të opozitës. Ka qenë Flutura Açka e cila ka njoftuar se do të dorëzojë ankesë në sekretariat ndaj gjuhës së kryeministrit Rama, por ministrja Belinda Balluku i ka pyetur koleget e saj opozitare se përse nuk u revoltuan kur Agron Gjekmarkaj i quajti ato “harem dhe kukulla”.
“Pse nuk reaguat kur kryetari juaj na ka quajtur “haremi i Ramës”, pse nuk reaguat kur na ka quajtur këtu si kukulla që kanë nga pas kriminelë dhe oligarkë. Ne kemi ardhur këtu si deputetë të Shqipërisë, nuk ia vlen më të bisedojmë u goditën gratë apo burrat. Jemi të gjithë njësoj. Por unë nuk e mbaj mend askënd që t’i thoshte zotit Gjekmarkaj se ne nuk jemi harem.
Jorida ti je nga Tirana dhe unë nga Tirana dhe kam shumë respekt për të gjitha gocat këtu, është shumë e vështirë në politikë, por duhet t’ia dalim. Të biem dakord që komisioni i etikës, kur e merr fjalën të flasë edhe për gratë e majta dhe të djathta”, u shpreh Balluku, teksa i ka thënë Gjekmarakajt që të mos justifikohet më se as ai nuk do pranonte që nën apo gruaja e tij të quheshin harem
Discussion about this post