Zëvendëskryeministrja, njëherësh Ministrja e Infrastrukturës dhe Energjisë, Belinda Balluku ka qenë e pranishëm në Komisionin për Veprimtaritë Prodhuese, Tregtinë dhe Mjedisin, ku ka prezantuar projektligjin për Portin e Durrësit duke i dalë në mbrojtje kësaj afere.
Balluku u shpreh se qyteti i Durrësit do të përfitojë shumë nga ky projekt, ndërkohë sipas saj në fund të kontratës investimi do t’i kalojë në pronësi shteti, pavarësisht akuzave të opozitës se Porti do zhbëhet për të ndërtuar një kompleks pallatesh.
“Durrësi nuk do të humbas, por do të ketë 20% hapësirë publike të vënë në dispozicion. Investitori strategjik do të paguaj 2% të të ardhurave. Pronësia pas kontratës do t’i transferohet Ministrisë së Infrastrukturës. Ky është funksion perfekt i ligjit të Koncesioneve. Marina i kthehet shtetit me përfundim e afatit ligjor.”tha Balluku
Balluku iu përgjigj akuzave të opozitës duke thënë se ata nuk e konceptojnë dot një investim 2 miliard eurosh dhe për këtë arsye nisin sulmet.
“Komiteti negociator ka bërë një punë të shkëlqyer. Është një procedurë e kulluar për 12 muaj të tërë. Në tavolinë kemi bërë takime me firmë dhe konsensus të plotë./ Historitë me afera janë çështje të politikës së ditës. Se nuk është e këndshëm për një opozitë si kjo që sot të durojë një investim 2 miliard eurosh. Por duhet ta konsiderojnë si një arritje të shqiptarëve dhe jo vetëm e qeverisë. Durrësi është një vend që gëzon bujari të Zotit, diellin detin rërën. Duhet ta shikojë si kontribut për të gjithë Shqipërinë dhe jo ta bëjnë alien me shprehje Afera Korruptive.” tha Balluku.
Në një moment, përfaqësuesi i opozitës në Komision Luan Baçi ka ndërhyrë i nervozuar duke kërkuar që ministrja të ndalet të faktet dhe të ndal fjalimet. Balluku iu përgjigj Baçit duke thënë se atij iu tërhoq veshi nga të tjerët ndaj po reagon.
Luani: Po s’kemi ardhur për të dëgjuar fjalime këtu.
Balluku: Luanit i tërhoqën veshin dhe i erdhi koha për të folur.
Discussion about this post