Gjatë konferencës me gazetarët ministrja e Infrastrukturës, Belinda Balluku, tha se në vijim qeveria do të hartojë një plan, me të cilin do të planifikojë orarin e energjisë, pajisjeve shtëpiake elektrike apo ngrohjes për qytetarët, pasi jemi në krizë. Kjo çështje u diskutua më thellë edhe nga gazetarët, duke i thënë se nuk mund të vendos qeveria kufizime se sa i përdorim ne pajisjet e nevojshme në shtëpi.
Por, Balluku nuk është ndalur me kaq, ajo ka thënë se jemi në kushte të këqija dhe qeveria nuk ka çfarë bën. Duke vazhduar më tej ministrja kërkon qe qytetarët të lënë makinat dhe të ecin në këmbë.
“Duhet pasur parasysh se çmimi është hall i madh, por po mbahet në kurriz nga shqiptarët. Duhet të konsumojmë më pak naftë, mos të marrim makinën për të blerë cigare tek cepi i rrugës. Ecni në këmbë, se kështu ndodh kur rriten çminimet se është produkt që tregtohet nga privatët dhe shteti nuk ka çfarë bën. Po e hoqi shteti naftën do e paguani atje tek patentat. Nuk do të ketë kufizime sa kohë blejmë energjinë”, tha ajo. Ndërkohë edhe kryeministri Rama theksoi në mënyrë të përsëritur se jemi në kohë lufte dhe nuk do të ketë as reduktim të çmimit të energjisë dhe as të çmimit për naftën.
Discussion about this post