Paralelisht me seancën e Kuvendit, ditën e sotme zhvillohet një protestë nga banorët e Durrësit që preken nga projekti TID, por edhe nga banorët e Rrjollit që kundërshtojnë ndërtimin e një resorti.
Ata akuzojnë Belinda Ballukun dhe kryeministrin Rama se po u vjedhin pronat.
Ndërsa thonë se socialistët në parlament ngrenë me pa të drejtë kartonët për të miratuar vendime në dëm të qytetarëve.
“Me këtë që po bën ky hajduti, bashkë me kriminelen Belinda Ballukun, vetëm një gjë të dijë, do t’i vijë dita të ikë i pari, i dyti dhe të ikë bashkë me ata bastardë parlamentaër socialistë që rrinë atje dhe ngrenë kartonin me të padrejtë”, tha një banore.
Protestës së banorëve të Durrësit dhe Rrjollit të Shkodrës para Parlamentit iu bashkua edhe kryetari i Partisë “Mundësia”, Agron Shehaj.
“Kjo në fakt është një çështje politike, sepse pronat nuk po ua vjedh vetëm një oligark, pronat po i vjedhin oligarkët me klasën politike të korruptuar që keni në Parlament. Nuk do kishte mundësi që askush të vidhte pronat tuaja pa ndihmën tuaj, Janë ortak. Heshtja e tyre tregon se pronat po i vjedhin bashkë. Padrejtësia me pronat është padrejtësia më e madhe që i është bërë popullit shqiptar në këto 35 vjet.
Pronat i vodhën dhe i rrëmbyen dhe pronarët nuk i morën, duke u detyruar të ikin jashtë shtetit. Oligarkët e lidhur me klasën politike po gëzojnë pronat e qytetarëve shqiptar. Po i nxjerrin njerëzit nga shtëpia, po vjedhin kudo pronat”, tha deputeti.
Kjo është e 10-ta ditë radhazi kur banorët protestojnë dhe u bëjnë thirrje ndërtuesit të ndalojë punimet për resortin, si dhe të ulet në bisedime me ta, për të arritur një marrëveshje. Në tokat e tyre është parashikuar të ndërtohet një resort turistik, ndaj për rastin banorët pak javë më parë kanë depozituar edhe një kallëzim në SPAK.
Leja e ndërtimit për resortin turistik është lëshuar me firmën e Belinda Ballukut, duke shkaktuar përplasje të forta mes pronarëve të tokave dhe ndërtuesit.
Discussion about this post