Ministrja e Infrastrukturës dhe Energjetikës, Belinda Balluku ka mbledhur sot në një takim shoqatat e biznesit, të cilat kanë kundërshtuar strategjinë e qeverisë për të detyruar daljen në treg të lirë për blerjen energjisë. Balluku është shprehur se tregu i lirë nuk ka çmime ndaj nuk kanë vlerë kërkesat. Sa i përket kërkesave të tyre, Balluku nuk ka marrë parasysh asnjë, por iu ka thënë se mund të diskutohen në qershorin e vitit që vjen.
“Kemi një situatë emergjence energjitike në të gjithë botën dhe jo vetëm në Ballkan ajo që është më e rëndësishme është mbrojtja e konsumatorit. Ju kërkoni çmimet dhe flisni për një treg të lirë që nuk ka çmime. Jemi me vonesë një 5 vjeçar për të përmbushur kushtet e BE-së , pasi ka një debat publik mes vendit dhe sekretariatit të energjisë. Detajet në lidhje me të gjithë ndryshimet dhe mundësitë në tregun e lirë do të diskutohen javën e parë të qershorit për të vënë në dukje dhe në zbatim çdo gjë. Duke bërë që të keni dhe një tranzicion të butë në tregun elektrik”, ka thënë Balluku në këtë takim.
Takimi në fjalë mes ministres dhe bizneseve, është bërë për të gjetur një zgjidhje për këtë kategori. 11 shoqata biznesi kërkojnë nga qeveria që të rishikojë vendimin pasi një skemë e tillë do rriste shumë kostot e tyre dhe për pasojë dhe rritjen e çmimit të produkteve që hedhin në treg këto biznes
Discussion about this post