Kina ka kërkuar që çështja e balonës “spiune” në qiejt e SHBA, të trajtohet me qetësi, duke deklaruar se ishte thjesht një dron që monitoron motin, që kishte përfunduan gabimisht në Amerikë.
Ky dron u pa për herë të fundit në Misuri dhe pritet të arrijë në bregun lindor të Amerikës pranë Carolina këtë fundjavë.
SHBA ka vendosur të mos e rrëzojë për shkak të rrezikut të rënies së mbeturinave.
Incidenti vjen në mes të marrëdhënieve të tensionuara mes SHBA-së dhe Kinës.
Sekretari amerikan i Shtetit Antony Blinken anuloi vizitën në Pekin, duke thënë se prania e balonës “mbikëqyrëse” ishte “një akt i papërgjegjshëm”.
Gjatë mbrëmjes së të premtes, SHBA raportoi për një balonë të dytë kineze që fluturonte mbi Amerikën Latine.
Në një deklaratë të shtunën, ministria e jashtme e Kinës tha se Pekini “kurrë nuk ka shkelur territorin dhe hapësirën ajrore të ndonjë vendi sovran”.
Reagimi
Në deklaratë thuhet se incidenti është diskutuar me Blinken, duke theksuar se mbajtja e kanaleve të komunikimit në të gjitha nivelet ishte e rëndësishme, “veçanërisht në trajtimin e disa situatave të papritura në një mënyrë të qetë dhe të besueshme”.
Ndërsa shtoi se “disa politikanë dhe media në Shtetet e Bashkuara e përdorën incidentin si pretekst për të sulmuar dhe njollosur Kinën”.
Sipas zyrtarëve amerikanë, balona fluturoi mbi Alaskë dhe Kanada përpara se të shfaqej mbi shtetin amerikan të Montana, i ku ndodhen disa qendra raketore bërthamore.
Incidenti zemëroi zyrtarët e lartë amerikanë, ku Blinken deklaroi se ai i kishte thënë Pekinit se prania e balonës ishte “një shkelje e qartë e sovranitetit të SHBA dhe ligjit ndërkombëtar” dhe “një akt i papërgjegjshëm”.
Ai e quajti “të papranueshëm” dhe “madje të papërgjegjshme në prag të një vizite të planifikuar prej kohësh”.
Kryediplomati amerikan do të vizitonte Pekinin nga 5 deri më 6 shkurt për të zhvilluar bisedime për një gamë të gjerë çështjesh, duke përfshirë sigurinë, Tajvanin dhe Covid-19.
Discussion about this post