Mario Baloteli ka qënë një nga protagonistët më të shquar të futbollit, në dekadën e viteve ‘2010, me të mirat e të këqijat e tij.
Gjestet e tij jashtë fushës e jo vetëm, e kushtëzuan karrierën e “Super Marios”, nga një kandidat potencial për fitimin e Topit të Artë, Baloteli u shndërrua shumë shpejt, në një dështim të futbollit, me parabolën e tij futbollistike që shkoi nga ekipe elitare si Inter, Man. City, te Milan, Liverpool e deri te Adana Demirspor (theksojmë që te Milan e Liverpool, Baloteli, luajti kur të dy klubet ishin në periudhat e tyre më të këqija).
Tashmë, në një moshë, kur nuk mund të konsiderohet më, si një “top-player”, Baloteli ka lëshuar sërish, një tjetër “bombë”.
Gjatë një interviste të dhënë për kanalin “Controcalcio”, Mario Baloteli foli troç për nivelin aktual të futbollit italian, duke e krahasuar atë me kampionatin turk.
Sigurisht që askujt në Itali nuk ka ardhur mirë për këtë, por Baloteli si gjithnjë edhe këtë herë nuk mund të dilte nga karakteri i tij.
“Vitin e kaluar kam parë disa ndeshje të Serisë A dhe jo për keqdashje, por i krahasova me ndeshjet që kemi luajtur në Turqi. Niveli sot në Turqi është pothuajse më i lartë se Seria A. Seria A nuk është një kampionat i dobët, por niveli i kampionateve të tjera po rritet”, tha ai.
Baloteli ka folur dhe për një rikthim të mundshëm në kombëtaren italiane, duke e përjashtuar në një farë mënyre.
“Në kombëtare duhet të luajë kush është më mirë. Nuk e di nëse do ta pranoja një ftesë për t’u kthyer te Italia. Kam përjetuar momente shumë të bukura, por së fundi jo”, deklaroi ai.
Discussion about this post