Bamir Topi: PD në nivelin më të ulët historik

Ish-presidenti Bamir Topi thotë komentoi zhvillimet në Partinë Demokratike në vitin që lamë pas.

Në një intervistë për Euronews Albania, Topi tha se në vitin 2022, PD përjetoi turbulenca të mëdha që sollën dëmtime të forta në strukturën e kësaj partie.

Sipas Topit, edhe pse kanë kaluar vetëm disa ditë nga 2023, PD është në kulmin e turbulencave dhe paqartësive përballë zgjedhjeve të 14 majit, që janë edhe një test politik për të.

“Ky vit e gjen PD të çoroditur dhe me dëmtime të forta në strukturë. S’mund të ketë funksion kur s’ka strukturë. Strukturat paralele tregojnë nivelin më të ulët historik të PD dhe për këtë ndiej keqardhje”, u shpreh Topi.