Sot, arti shqiptar ka humbur një nga “perlat” dhe themeluesit e Teatrit dhe Kinematografisë shqiptare, Piro Manin. “Artisti i Popullit”, i cili kreu studimet në Moskë, u kthye në Shqipëri në vitet ’60 për t’u kthyer në legjendë të gjallë për artin e vendit. Rolet në filma, i ka vetëm 3 por që kanë zënë vend në memorien e qytetarëve shqiptarë. Personazhi negativ, ai i Sali Protopapës në filmin “I teti në bronx” ka rrëmbyer zemrat e të gjithëve, aq sa batutat e tij ende përdoren në përditshmëri. Veçori e rrallë kjo për një personazh negativ, aq më tepër për një “ballist” në kohën e regjimit diktatorial. Por ndryshe nga filmi, Mani gjeti zemrën në Teatër, duke luajtur me qindra role, e duke drejtuar për vite me radhë institucione të rëndësishme arti, që e kthen në “babanë” e Teatrit shqiptar.
Sali Protopapa: Ore Bamkë! Po nuk më solle dashin që prin kopenë, do të të quaj doç i doçërve. Do ta therr këtu në merr të sofrës.
Sali Protopapa: Do të presim dhe një minutë. Dhe nëse nuk nxjerrini atë partizanin, atë doç komunisti Ibrahimi. Unë do të pushkatoj…dmth gjermani…po edhe unë bashkë më gjermanin do të pushkatojmë 10 burra nga fshati.
