Analisti Andi Bushati ka reaguar pas publikimit të detajeve nga dosja e aferës korruptive të tunelit të Llogarasë, ku është përfshirë zëvendëskryeministrja dhe ministrja e Energjitikës, Belinda Balluku, dhe ish-kreu i ARRSH-së, Evis Berberi.
Në një postim në Facebook, Bushati shprehet se komunikimet e zbardhura nga telefoni i Evis Berberit tregojnë qartë mënyrën se si Balluku dhe vartësi i saj janë angazhuar për t’i dhënë kompanisë turke INTERKAR ASL tenderin me vlerë 190 milionë euro, ndërkohë që ishte refuzuar oferta prej 150 milionë eurosh e kompanisë shqiptare “Gjoka”.
“Sapo përfundova leximin e 45 faqeve të dosjes për tunelin e Llogarasë. Nuk ka pasqyrë më të frikshme se si një ministre manipulon në çdo fazë dhe çdo hap një tender 190 milionë eurosh. Nuk ka dëshmi më diskredituese për këtë bandë grabitësish”, shkruan Bushati.
Discussion about this post