Deputeti i LSI-së, Petrit Vasili, ka denoncuar në SPAK Bashkinë Tiranë për çështjen e banesave sociale. Lajmin e ka bërë të ditur vetë Vasili, i cili me anë të një postimi në Facebook, shkruan se faktet evidentojnë rëndë abuzimin që është bërë me Fondin Publik të Banesave Sociale.
Sipas Vasilit ka dy shkelje të rënda me këtë fond, që janë bërë nga Bashkia e Tiranës. Ai thekson se shkelja e parë ka të bëjë me lejet e ndërtimit, që Veliaj i jep pa kriter edhe kompanive që i ka miq nuk i mban 3% e ndërtimit që kërkon ligji. “Bashkia e Tiranës ka dhënë 1 milion e 945 mije metra katror leje për ndërtime me sipërfaqe banimi mbi 2 mije m2. Ne baze te Ligjit 22/ 2018 duhet, qe 3% te sipërfaqes se ndërtimit t’i kaloje Fondit te Strehimit Social te Bashkisë se Tiranës. Kjo do te thotë qe 58 mije 375 m2 duhet te jene ne dispozicion të Bashkisë. Por nga informacioni zyrtar i vetë Bashkisë ajo do të disponoje vetëm 32 mije e 417 m2. Mungojnë pra më shumë se 25 mije m2 nga detyrimi, që kërkon ligji”, shprehet ai.
Sakaq, evidentohet se Veliaj bën lekujdime me lekë nga këto kompani, në vend që t’u mbajë atyre sipërfaqe ndërtimi, pasi këto para mund t’i fusë në xhepin e tij. Sakaq, ai i ka bërë thirrje SPAK që të veprojë.
Discussion about this post