Guvernatori i Bankës së Anglisë i ka kërkuar falje qytetarëve sepse inflacioni në Mbretërinë e Bashkuar po vijon të rritet, teksa parashikohet se kostoja e jetës mund të arrij deri në 5%.Të enjten, Banka befasoi tregjet financiare duke votuar për të mbajtur të pandryshuar normën e interesit.
Aktualisht norma e interesit ndodhet në nivelin më të ulët historik prej 0.1%. Megjithatë, shumica e Komitetit të Politikës Monetare të Bankës (KPM) votoi për mbajtjen e kostove të huamarrjes gjatë mbledhjes së nëntorit, pjesërisht për të parë sesi tregu i punës ishte përballur me përfundimin e skemës së pushimit.
Guvernatori i Bankës së Anglisë u shpreh se inflacioni është padyshim diçka që kafshon të ardhurat familjare të njerëzve, teksa theksoi se familjet angleze po e ndjejnë këtë, referuar i përket çmimeve që po rriten.Por ai argumentoi se Banka donte të shihte se çfarë ndikimi kishin çështjet e brendshme dhe globale në koston e jetesës përpara se të vendoste nëse do të rriste normat.
Bailey gjithashtu ,tha se kushtet aktuale ishin të ndryshme, pasi inflacioni po shkaktohej nga “goditjet e ofertës” globale dhe jo nga presioni i kërkesës në ekonominë e Mbretërisë së Bashkuar.Banka nuk përjashtoi një rritje të normës në mbledhjen e saj të ardhshme në dhjetor. KPM-ja mblidhet çdo gjashtë javë.
Discussion about this post