Janë hequr barrierat e vendosura në vendin e quajtur ‘Pushimi i Shoferit’, në autostradën Lushnje-Fier, pas protestës së banorëve të Divjakës.
Ditën e djeshme, kyqëzimi i autostradës Lushnje-Fier, ose vendi i njohur si “pushimi i shoferëve” është mbyllur nga Autoriteti Rrugor Shqiptar.
Banorët e zonës nuk e kanë pritur mirë vendimin, pasi u shtohen rreth 30 kilometra rrugë për të shkuar në destinacion.
Ndërkohë, që mëngjesin e sotëm këta të fundit zhvilluan një protestë, e cila zgjati rreth 30 minuta, ku bllokuan edhe trafikun n ë këtë aks rrugor, ato kundërshtonin vendosjen e barrierave metalike ne nje aks mjaft problematik ku jane regjistruar shume aksidente.
