Banorët çojnë në SPAK kryetarin e bashkisë Mat, Agron Malaj

Banorët e fshatit Madhesh kanë depozituar në SPAK kërkesë-padinë kundrejt kryetarit të bashkisë Mat, Agron Malaj ku e akuzojnë për shpërdorim detyre.

Banorët e kanë akuzuar atë për shpërdorim detyre por edhe përftim të paligjshëm të interesave publik.

Në akzuë parashikohet se si kompania e Agron Malajt dhe “A.R.M-Albania” ushtron veprimtari të paligjshme nga 2017 në vazhdim në HEC-et Madhesh, në lumin e Lundrës.Së bashku me kryebashkiakun Malaj ata akuzojnë edhe vëllain e tij, Fatos Malaj, si administrator i kësaj kompanie.

Në akt-akuzë mes të tjerash parashikohet edhe fakti se si Malaj ka falsifikuar firmat, si dhe ka zhvatur banorët nga uji dhe prona e tyre publike duke e përdorur për të funizuar HEC-et e ndërtuara nga kompania e tij

Banorë e Madheshit në Mat, më herët kanë kundërshtuar  projektin për ndërtimin e një hidrocentrali në zonë, ku edhe kanë protestuar disa herë rradhazi.

Kujtojmë se Agron Malaj ka qenë komandant seksioni i Njësisë Speciale të Gardës së Republikës në protestën e 21 Janarit.

Ai ishte një ndër 10 oficerët e shkarkuar nga ish-ministri i Brendshëm, Saimir Tahiri, kur sapo ky i fundit mori detyrën.

10 oficerët ishin pjesëtarë të “grupit të zjarrit”, të cilët qëlluan mbi protestuesit në tubimin ku mbetën katër qytetarë të vrarë.