Banorët e lagjes “5 maj” janë ngritur sërish në protestë kundër Bashkisë Tiranë për mbrojtjen e banesave të tyre nga shembja. Ditën e sotme ata thonë për mediat se kanë marrë letër kërcënuese nga Bashkia e Tiranës.
Sipas tyre, ekspertët e ASHK do çohen për të bërë matjet e pronave, dhe në këtë proces po ndërhyn dhe Bashkia duke u kërkuar banorëve paraqitjen në njësinë administrative.
“Ne kemi dalë përherë, jemi në mbrojtje të pronave tona. Ne nuk kemi pranuar të paguajmë ryshfet dhe nuk jemi legalizu. Ne I kemi kërkuar takim bashkisë për projektin. Na kërkojnë gatishmërinë tonë për të lejuar specialistët e ASHK për kryerjen e matjeve te pronat, nuk ka pse na dërgojnë dhe mesazhe kërcënuese. Legalizimet dhe Bashkia e Tiranës i kanë punët e ndara, pse Veliaj po i fut në një thes? Çdo ekspert është i mirëpritur, por jo të paraqitemi ne në njësi administrative. Mos kërcëno banorët i them Veliajt, sepse nuk penalizohemi ne por ju”, thanë banorët.
Ditën e djeshme, disa nga banorët deklaruan se po të jetë nevoja ata do të derdhin gjak, duke qenë se në rrugë ligjore nuk e fituan dot të drejtën e tyre.
Discussion about this post