Banorët e rrugës “5 Maji” në Tiran kamë denoncuar sot Bashkinë Tiranë, se i kërcënon me mesazhe nëse nuk firmosin aktmarrëveshjen me bashkinë e Tiranës për t’i hapur rrugë projektit të rindërtimit. Ata thonë se nuk firmosin asgjë pasi prek dy muajsh askush nuk ka ardhur të flasë e të sqarohet me ta.
“Kemi 2 muaj që i presim, nuk vjen njeri të merret vesh. Tani më mirë mos vijnë fare, s’kanë punë fare me ne, të shohin punët e veta. Këta duke llogaritur se janë të lidhur me njëri-tjetrin, janë vetëm për të vjedhur pronat e banorëve bëjnë mesazhe kërcënuese. Çfarë institucioni është bashkia që na sjell mesazh sa zyrtar është ky mesazh që më shumë zyrtar duket se jemi ne banorët që kemi deklaruar dhe kemi shkëmbyer kërkesat dhe ankesat tona në mënyrë institucionale”, tha një banorë.
Ndërsa një tjetër tregoi se Bashkia e Tiranës nuk iu ka dhënë as bonusin e qirasë. “Janë shembur 12 shtëpi, ka 3 muaj që jemi rrugëve, as bonus. Un qëndroj me qira, vetë e kemi paguar deri tani. Kemi shkuar jemi interesuar te bashkia, do dalë sot, do dalë nesër Bonusi”, tregoi ai. Ndërsa theksoi se shumë familje të cilëve u është shembur shtëpia, kanë mbetur në rrugë. Ata thonë se bashkia nuk i ka marrë afre për bazë ankesat dhe kërkesat e tyre, duke i anashkaluar totalisht.
Discussion about this post