Pasi protestuan për rreth 1 orë e gjysmë përpara Parlamentit, banorët e “5 Majit” dhe të Laprakës janë zhvendosur në ambientet e Bashkisë së Tiranës.
Disa ditë pas shembjes së banesave së tyre, banorët e “5 Majit” kanë pritur që Bashkia të bëjë një dëgjesë publike me ta, por kjo nuk ka ndodhur dhe për pasojë ato janë ngritur sërish në protestë para Kuvendit. Atyre u janë bashkuar edhe banorët e Laprakës, që preken nga projekti i Unazës së Re.
Me pankarta në duar kanë kërkuar një takim me deputetët duke theksuar se nuk do të firmosin asnjë marrëveshje pa pasur një dëgjesë publike që t’u tregojë me saktësi se kur do t’i jepen në dorë çelësat e shtëpisë së re. Sipas tyre, në dokumentin që u është dhënë nga zyrtarë të Bashkisë nuk ka asnjë datë se kur do u jepet shtëpia e re dhe sot kanë kërkuar takim me deputetet.
Discussion about this post