Banorët e “5 Majit” dhe të Laprakës kanë dalë sot në protestë para Kuvendit, për të kërkuar drejtësi për banesat e tyre. Ata deklarojnë se me një vendim të Veliaj janë nxjerrë me dhunë nga shtëpitë, ndërsa ata vetë nuk kanë firmosur asnjë marrëveshje. Më tutje i bëjnë thirrje ministres Balluku që të ulet e të bisedojë me ta edhe të zbardhin të vërtetën mbi projektin e në fund të arrijnë në një zgjidhje.
“Vendimin, Bashkia e ka nxjerrë për të larguar banorët nga shtëpia. Ministrja Balluku kontrollon gjithçka në Shqipëri, bujrëm le t’i kontrollojë, të na japë asgjë. I them Veliajt nuk kam nevojë për bonus qiraje. Më tha Veliaj bredh me Porsche, dua të lëviz, nga biçikleta në Maybach do shkoj. Djali im 3 vjeç ka 70 mijë euro borxh, pse se shteti manipulon dokumentet dhe vjedh. Ne na janë marrë banesat me dhunë pa marrëveshje, pasi nuk kemi nënshkruar asgjë”, tha një banor.
Kujtojmë se banorët protestojnë prej muajsh dhe asnjëherë nuk kanë marrë një zgjidhje, por shpesh herë është ushtruar dhe dhunë kur ata kanë tentuar të mbrojnë shtëpitë e tyre nga shembja.
Discussion about this post