Prej më shumë se 3 muajsh, banorët e zonës së “5 Majit” dalin në protestë çdo ditë për të mbrojtur banesat e tyre. Ata po protestojnë edhe sot, nga ku shprehen se nuk do të lejojnë që bashkia t’iu shemb shtëpitë.
Ata tregojnë janë shprehur se individë të caktuar kanë ardhur për të bërë matje nëpër banesa dhe pa dhënë asnjë lloj shpjegimi. Ndër të tjera, kanë bërë edhe një thirrje ndaj kryeministri, Edi Rama të cilit i kërkojnë të mos merret me debatin mbi “kufomat” port ë merret me shqetësimet e tyre.
“Sot ka ardhur policia bashkiake dhe i kanë hyrë zonës sipër rrugës që kjo është një zonë. Përveç zonës për zhvillim, këta duhet të bëjnë edhe prishje të rrugës. Këta po hyjnë në zonën tjetër sipër rrugës për të bërë matje. Këta nuk kanë lajmëruar askënd por vetëm kanë ardhur duke hyrë në banesat e banorëve dhe duke bërë matjet”, u shpreh një banor.
Një tjetër banorë tha se , Veliaj nuk ka shkuar fare të diskutojë me ta dhe të gjejnë një zgjidhje, por iu bënë presion me persona të tjerë. Gjithsesi ata shprehen të bindur se nuk do të dorëzohen.
“Ne kemi dalë në protestë për pronën sepse është e shenjtë. Këta vijnë dhe bëjnë prishje dhe matje. Nuk kemi marrë përgjigje nga asnjë. Veliaj nuk pranon të ulet me banorët dhe as të bëjë marrëveshje për asgjë. Tani jemi në mbrojtje të shtëpive tona. Nuk jemi në protesta sepse nuk kemi pse të protestojmë më por vetëm po mbrojmë pronat tona. Çfarë përfitojnë këta banorë me këtë projekt? Asgjë, kështu që nuk e marrin dot shtëpinë tonë”, tha një tjetër.
Pak kohë më parë në një deklaratë për mediat, kryebashkiaku Erion Veliaj tregoi tha se ata që protestojnë nuk janë banorët e vërtet, duke e agravuar edhe më shumë situatën. Ndërsa tregoi se nuk iu interesin thirrja e banorëve, por vazhdon me planet e tij korruptive.
Discussion about this post