Banorët e lagjes “5 maj” në Tiranë kanë vijuar për të disatën ditë radhazi protestën kundër prishjes së banesave të tyre, pas njoftimi të ardhur nga bashkia e Tiranës. Në shkresën e dërguar drejt banorëve u është kërkuar që të lironin banesat e tyre deri në datën 26 tetor pasi do të fillonte shembja. Ndërkohë banorët kanë rezistuar ndaj kërkese të tillë.
Por ankohen se rezistenca e tyre po përdoret nga kryebashkiaku Erion Veliaj për ta shfaqur si një rezistencë militantësh partiakë. Banorët ankohen se fotot e tyre po publikohen si persona të cilët nuk janë as banorë të lagjes dhe thonë se diçka e tillë nuk ishte e vërtetë.
Njëri prej banorëve, tha se kërkonin vetëm shpronësim sipas ligjit dhe dëmshpërblim me vlerën e tregut në mënyrë që të lironin banesat e tyre. Ndërsa hodhi edhe akuza gjithashtu ndaj drejtorit të legalizimeve në Tiranë në vitin 2013 deri në 2019 për të cilin tha se kishte prova ku kishte marrë edhe para nga shtetas të ndryshëm për legalizimin e shtëpive.
“Që je mashtrues, hajdut dhe kopil e dimë. Na the se do jepje dëmshpërblim. E sheh këtë nënën këtu? Nuk ka qenë ushtare as në Irak e askund. Mos u merr me foto personale, është banore e kësaj lagjieje, meriton shtëpinë e vetë” – tha një nga banorët.
Discussion about this post