Banorët e lagjes “5 Maji”, të Laprakës, njësisë nr.8 dhe Paskuqanit duken të revoltuar pasi protestojnë sërish sot për prishjen e banesave të tyre. Ata shprehen të indinjuar me heshtjen e bashkisë dhe të bindur që nuk do bien dakord me shembjen e shtëpive për të marrë banesa sociale. Një prej tyre tha se duhet të veprojnë më fortë pasi qeveria nuk po i dëgjon, madje sa paralajmërojë se kjo çështje duhet të zgjidhet me dhunë dhe plumb.
“Shtëpia ime nuk është prish, nuk i ka dalë emri akoma. Me 22 janë 12 familje që janë planifikuar t’u prishen shtëpitë, shqiptarët pa dallim duhet ti mbrojnë. se këtu nuk ka ndryshe. E kanë planin, plumbin me plumb, lufta vazhdon. Unë pas fëmijëve kam shtëpinë time, bëj namin”, tha një prej banorëve.
Ndërsa një prej tyre tha se nuk mund të pranojë ndërtesa sociale kur e ka banesën e vetë dhe ka derdhur djersën për ta ndërtuar. Sipas tij, premtimi që jep qeveria është qesharak dhe tallës. “Unë s’jam barbon, unë nuk dua ndërtesa sociale. Të vijë e të bëjë muhabet me ne. Bëji legalizimet! Komshinjtë e mi, kush ka janë socialista i kanë kryer. Unë nuk jam social or ti, në shtëpinë time. Me 18 mijë lekë hajde mbaje shtëpinë time, përkrahje qesharake”, përfundoi një tjetër.
Edhe pse protestuan para parlamentit dhe u takuan me kryeministrin Rama për të marrë atë që u takon me ligj, pronën e tyre ku jetonin prej më shumë se 20 vitesh, ende Bashkia e Tiranës ende nuk ka marrë ndonjë veprim për të arritur marrëveshjen siç e kërkojnë banorët.
Discussion about this post