Për më shumë se një javë banorët e 5 majit vijojnë të dalin çdo ditë në protestë për mbrojtjen e banesave të tyre. Përmes një prononcimi për mediet ata kanë bërë të qartë se nuk do të ndalen pa marrë një kontratë nga bashkia që iu siguron atyre kompensimin që meritojnë.
Gjithashtu, ata kanë dhënë dhe një përgjigje për kryebashkikun Erion Veliaj, i cili një ditë më parë doli në një deklaratë publik dhe tha se ata nuk janë pronarë të vërtetë. Ata thonë se, prona e tyre vlen më shumë se sa vila luksit
“Barake e kam, por e kam me mund e me djersë të ballit. Me këto jetojmë ne, ato barake që kemi na duhen. Për sytë e atyre kanë qenë barake, për ne kanë qenë vila”, u shprehën ata. Ata thonë nuk do të lejojnë të prishin shtëpitë pa pasur një kontratë që u siguron atyre se ku do të shkojnë dhe se duan të kompensohen me vlerën e vërtetë. “Për çfarë arsye më jep 80 kur unë kam 150? Ku është arsyeja, logjika?”
Banesat në 5 maji pritet të shemben pasi sipas një projekti të bashkisë aty është parashikuar zonë në zhvillim që parashikon ndërtimin e pallateve për familjet e prekura nga tërmeti i 26 nëntori të 2019.
Discussion about this post