Ashtu sic kishin paralajmëruar, banorët e Bërxullës kanë dalë sërish në protestë këtë të martë, pasi kundërshtojnë projektin Thumanë-Kashar, ku do tu prishen banesat.
Banorët kanë marrë në tubim edhe fëmijët e tyre, ndërkohë që këta të fundit kanë bojkotuar sot shkollën.
Ata kanë bllokuar edhe një segment të rrugës. Në vendngjarje ka edhe prani të madhe të forcave policore.
Madje njeri prej banorëve nuk u ndje mirë, duke humbur ndjenjat.
Me ndryshimin e projektit banorët shprehen se parashikohet të shemben 20 banesa të tjera.
Shumë prej familjeve thonë se institucionet shtetërore nuk i kanë informuar se çfarë do të ndodhë me shtëpitë e tyre. Të tjerë banorë nuk janë dakord me vlerën e shpronësimit për banesën dhe tokën.
Protestuesit me pankarta në dorë ‘Po na vrisni të ardhmen’, ‘Prona është pasuria jonë’, etj, kanë bllokuar rrugën.
Ata janë përplasur me policinë, ndësa kanë bllokuar njërin aks të rrugës së Rinasit.
“Shteti të na japë përgjigje”, thotë një banore.
Ndërkohë policia ka ndërhyrë për t’i larguar nga rruga.
“Mos të na prekë njeri me dorë”, i drejtohen banorët efektivëve të policisë.
Discussion about this post