Banorët e Bërxullës në protestë: Nuk e falim pronën

Prej më shumë se 6 muajsh, qytetarët e zonës së Bërxullës janë në protestë kundër projektit të autostradës Thumanë-Kashar e cila i prek edhe banesat.

Qytetarët pretendojnë se shteti nuk i dëmshpërblen sipas vlerës së banesave.

Dhjetra qytetarë janë mbledhur në rrugën ku kalon projekti duke e bllokuar aksin.

Ato i bëjnë thirrje shtetit që të mos i prekin banesat e tyre pa u dëmshpërblyer sipas vlerës reale të shtëpive. Në këtë rrugë ka dhe forca të shumta policie.

Gratë, së bashku me fëmijët janë ulur në rrugë, duke mos lejuar qarkullimin e makinave. Ata kanë paralajmëruar se do futen në grevë urie e se do dalin çdo ditë në protestë.

“Po na digjet jeta, shteti po na dhunon. Do futemi në grevë urie, nuk do dalim vetëm sot por çdo ditë”- tha qytetari.

Ndërkohë vijojnë tensione mes tyre dhe policisë