Banorët e Bulqizës protestojnë për çmimin e naftës, ndërhyn policia

I ftohti dhe dëbora nuk i ka ndaluar banorët e Bulqizës të dalin në protestë këtë pasdite, për të protestuar për rritjen e çmimit të naftës.

Ata kanë bërë thirrje për uljen e çmimit të naftës dhe produkteve të tjera që kanë pësuar rritje, ndërsa ka ndërhyrë edhe policia. Sipas informacioneve bëhet me dije se efektivët janë shtyrë me qytetarët të cilët po protestonin.

Protestat po zhvillohen edhe në shumë qytete të tjera të vendit pasi, çmimet e karburanteve vazhdojnë të thyejnë rekorde.

Kujtojmë se, të mërkurën, shifra për naftën arriti në 260 lekë litri, ndërsa të gjitha produktet e shportës po ashtu janë shtrenjtuar në tre muajt e fundit.