Banorët e lagjes 14 në Durrës denoncojnë një situatë të papranueshme, shtëpitë e tyre po prishen pa asnjë paralajmërim dhe pa afat të dhënë për largim.
Ata thonë se janë nxjerrë në rrugë papritur, pa asnjë strehë ose ndihmë, duke lënë pas gjithë pronat dhe kujtimet e tyre.
Një nga banorët shprehet se ndihen të braktisur dhe të pasigurt, duke kërkuar ndërhyrje urgjente nga autoritetet.
Sipas tyre, asnjë punonjës bashkie nuk ka komunikuar më parë planin për prishjen, dhe situata ka shkaktuar panik dhe shqetësim të madh në komunitet.
Banorët kërkojnë që bashkia dhe kryetarja e bashkisë Emirjana Sako, të ndërhyjnë dhe të ofrojnë zgjidhje të përkohshme për strehim.
Deklarata e banorëve:
Banori 1: Jemi sëmurë, na prishën shtëpitë. Një shtëpi duam, se s’kena lekë të paguajmë qiranë. Neve fukare jena, mezi hamë një copë bukë. Punojmë, hamë një copë bukë, të paktën një strehim, tri me kalamaj. Jam vetë i shtatë. Edhe goca me fëmijë. Ka pesë kalamaj ka edhe goca. Ku shkojmë, ku të mbytemi? Jemi sëmurë.
Banori 2: Jam Ermand Ida. Banoj ka 28 vjet këtu. Edhe na ka ardhur vendimi brenda dy ditëve për me na prish. Pa asnjë lloj të drejte, që vendimi do të thotë, të paktën do të japin afat për 10 ditë. Jena me kalamaj, me familje, sëmurë, s’kemi ku shkojmë.
Banori 3: Ne kërkojmë strehim,, edhe të na mbajnë në konsideratë bashkia. Të na strehojnë diku. Se edhe kështu nuk dilet. Kemi dy fëmijë me probleme me spektrin e autizmit.
Paguj terapi, gjëra, edhe nuk ia dal dot edhe të shkoj me qira.
Discussion about this post