Edhe banorët e njësisë administrative Fierz në Bashkinë Fushë-Arrëz kanë dalë kundër propozimit për bashkimin e kësaj bashkie me Pukën, pjesë e draftit të reformës territoriale të propozuar nga Partia Socialiste.
Kryepleqtë e 9 fshatrave të zonës janë mbledhur pranë vendit të kuvendeve tradicionale, afër kishës së Fierzës, ku kanë shprehur kundërshtimin ndaj ndryshimit të propozuar dhe i kanë kërkuar qeverisë të rishikojë vendimin.
Sipas tyre, bashkimi me Pukën do të krijonte më shumë vështirësi për banorët, duke i larguar edhe më shumë shërbimet publike nga komuniteti.
Banorët pretendojnë se zona është lënë pas dore prej vitesh dhe se mungesa e investimeve ka prekur veçanërisht arsimin, me pasoja për jetën sociale dhe zhvillimin e komunitetit.
Njësia administrative Fierz ndodhet rreth 100 kilometra larg qytetit të Pukës, çka sipas banorëve do ta vështirësonte edhe më shumë aksesin në shërbime.
Ndërkohë, Bashkia Fushë-Arrëz ka njoftuar zhvillimin e një proteste ditën e premte, në orën 17:00, kundër ndryshimeve të propozuara në reformën territoriale.
Discussion about this post