Banorët e fshatit Shegjëz kanë dalë ditën e sotme në protestë për ujin e pijshëm, pasi sipas tyre, vuajnë nga mungesa e ujit prej 30-vjetësh.
Banorët shprehen se mungesa e ujit i ka detyruar të shpojnë puse por kjo u ka kushtuar shtrenjtë, ndërsa phojnë se janë “pro” ndërtimit të ujësjellësit që ka projektuar bashkia e Kuçovës.
“Ne nuk na intereson se ku e gjen bashkia e Kuçovës ujin për ujësjellësin, ne duam ujë të pijshëm. Ujin e blejmë me bidona, ndërsa për t’u larë e nevojat e tjera mbushim ujë me kafshë”, shprehen banorët e fshatit Shegjëz.
Banorët e fshatit Shegjëz kanë dalë sot për të tretën herë në protestë,duke kërkuar ndërtimin e ujësjellësit. 1 000 banorët e këtij fshati kanë deklaruar se do to vijojnë protestat e tyre për ujë, ndërsa më herët protesta degjeneroi në përleshje fizike mes tyre dhe banorëve të fshatit Lumas, që prej më shumë se 4-muajsh protestojnë për të ruajtur të paprekur burimin e Sinecit.
