Prej më shumë se një jave zona e Kombinatit vuan mungesën e ujti të pijshëm. Kështu, ditën e sotme banorët e kësaj zone kanë dalë në protestë para UKT-së, pasi sipas tyre kanë 8 ditë pa ujë. Banorët shprehen se UKT iu ndërpret ujin qëllimisht dhe pse ata i paguajnë faturat rregullisht.
Në lidhje me këtë çështje ka folur për mediat përgjegjësi i UKT, i cili shprehet se shkak kryesor janë thatësirat. Ai tha se ujësjellësit se po përballen me një periudhë thatësirë gjë që ka ndikur në ndërprerjen me furnizimin me ujë ndërsa nuk la pa përmendur edhe “abuzimin” sipas tij që banorët i bëjnë ujit, duke vaditur tokat.
Ai deklaroi se do të merren masa për një gjë të tillë duke ushtruar kontrolle në terren, ndërsa furnizimi me ujë do të nisë që nesër. Banorët bëjnë me dije se nëse gjendja nuk ndryshon ata do të dalin sërish nesër në protestë, derisa situata të normalizohet.
Discussion about this post