“12-vjeçarja u asfiksua”, tragjedia në Derviçan, banorët: I ati u përpoq ta shpëtonte

Pas ngjarjes së rëndë që ndodhi mbrëmjen e djeshme në Derviçian të Gjirokastrës, ku një e mitur humbi jetën pasi banesa e saj u dogj nga flakët, banorë të zonës janë shprehur për prej dy ditësh nuk kishin pasur drita dhe nga larg kishin dalluar vetëm zjarrin.
Një banor tha se 12-vjeçarja kishte shkuar në tualet dhe ishte asfiksuar nga tymi. Ai shpjegoi se babai shkoi ta ndihmonte, por nuk dihet se çfarë ka ndodhur më pas.
“Një njeri më tha mua se vajza u fut në banjo, iu zu fryma dhe vdiq. Edhe babai tentoi ta ndihmonte, asnjë nga komshinjtë nuk e ka parë”-tha një banor i lagjes.
“Çfarë të të them? S’kishim drita, të tërë ishim nëpër shtëpi, i pamë flakët nga larg”-u shpreh një tjetër banor.
Edhe pse e mitura u dërgua në spital nuk arriti t’i mbijetonte zjarrit të shkaktuar nga një qiri brenda shtëpisë.