Të revoltuar dhe të lodhur që nuk kanë marrë asnjë përgjigje banorët e Laprakës kanë dalë sërish në protestës mbrëmjen e sotme. Në prononcim për mediet ata thonë se, do vazhdojnë protestat derisa të marrin dëmshpërblim me çmimin e tregut për banesat që rrezikohen t’iu shembën nga bashkia, për projektin e “Unazës së Madhe”.
Në shenjë revolte banorët bllokuan rrugën për rreth 1 orë nga të dyja krahët e saj. Si pasojë e bllokimit të rrugës, automjetet janë detyruar të qëndrojnë të bllokuara duke krijuar radhë kilometrike. Në vend ka mbërritur edhe për të shpërndarë banorët dhe për të rikthyer normalitetin në këtë aks rrugor, por nuk ka mundur dhe kanë filluar përplasjet mes tyre.
Banorët janë të vendosur t’i shkojnë qëndrimit tyre deri në fund që shtëpitë e tyre të mos shemben pasi një pjesë e mirë e tyre i kanë të legalizuara e të tjerë kanë aplikuar për leje para shumë vitesh pa marrë asnjë përgjigje zyrtare. Ndërsa, nga ana e bashkisë deri më tani nuk ka pasur asnjë reagime dhe asnjë përgjigje për kërkesat e tyre, pavarësisht se banorët thonë që janë të gatshëm të bisedojnë e bien në konsensus.
