Siç edhe kishin paralajmëruar, banorët e Laprakës kanë protestuar sërish kundër projektit të Unazës së Madhe, pasi pretendojnë se qeveria nuk i dëgjon kërkesat e tyre.
Gjatë protestës së ditës së sotme, banorët e Laprakës i kanë vënë zjarrin një kazani mbeturinash, si dhe kanë njoftuar se do të bllokojnë rrugën, një formë të cilën e konsiderojnë të nevojshme që të marrin vëmendjen e duhur për shqetësimin e tyre.
Ata kërkojnë dëmshpërblim me çmim tregu për shtëpitë e tyre që preken nga ndërtimi i Unazës së Madhe, teksa theksojnë se devijimi i projektit do të shkaktojë dëme të mëdha tek ata. Protestuesit gjithashtu akuzojnë qeverinë se ky devijim i projektin vjen për interesa personal të disa biznesmenëve në bashkëpunim me shtetit, për t’i hapur rrugë ndërtimit të pallateve.
Discussion about this post