Banorët e Paskuqanit dhe të Laprakës pas takimit që zhvilluan me ministren e Infrastrukturës dhe Energjetikës, Belinda Ballukun në një prononcim për mediat pohuan se po presim të zbardhet VKM-ja.
Sipas banorëve, duhet të trajtohen të gjithë si njerëz, në mënyrë dinjitoze, si ata me legalizime dhe ata që nuk i kanë dokumentet.
“Banesat qe prishen te trajtohen te gjitha njësoj. Po presim VKM, nese s’do jemi te kënaqur do të nisim protesta. Te trajtohemi si njerez dinjitoze te kryeqytetit, njësoj, si dhe pa legalizim. Secili te marre vleren reale te baneses se tij”, tha një prej banorëve.
Kujtojmë që janë bërë disa muaj që banorët e Laprakës, Paskuqanit dhe Kodrës së Priftit, janë në protestë kundër shembjes së shtëpive të tyre që preken nga projekti i Unazës së Madhe.
Qindra banesa planifikohen të shemben si pasojë e projektit për ndërtimin e Unazës së Madhe në Tiranë, shumica e të cilave të palegalizuara, duke lënë mister fatin që i pret mijëra banorë.
Discussion about this post