Projekti për ndërtimin e bypassit të Radhimës, ka sjell protestën e banorëve të Radhimë-Orikum, të cilët ditën e sotme janë mbledhur dhe kanë marshuar për të ndaluar implementimin e këtij projekti.
Sipas banorëve, bypassi do të ndërtohej në rrugën ekzistuese, duke shmangur kështu shembjen e shtëpive dhe bizneseve të zonës. Por sot, prezantimi i projektit është ndryshe, rruga pritet të kaloj aty ku sot ka shtëpi, hotele e biznese. Banorët në protestën e zhvilluar ditën e sotme, akuzojnë se ndryshimi i gjurmës së projektit po bëhet për të tjetërsuar pronën dhe për të dëmtuar bizneset e zonës, me qëllim përfitimin e pronës së tyre.
“Se cfarë duan banorët e dinë banorët, asnjë përfaqësues i lartë i qeverisë nuk ka ardhur për të pyetur për këtë projekt. Përkundrazi, kanë thënë që nuk do të zhvillohet ky projekt. N ë të gjithë informacionet që ne disponojmë, ka vetëm një gjë që kërkon shpronësimin e tokave me ligjin famëkeq 20/20 me një vlerë qesharake 2 mijë lekë të vjetra metri katror dhe marrja e pronës duke i’u dhënë individëve afër qeverisë për të ndërtuar hoteleri dhe komplekse luksi”- shprehen banorët.
Kryeplaku i fshatit, Hyrjet Havaraj akuzon qeverinë se po kërkojnë të marrin prona dhe ndërtimi i këtij bypassi është i panevojshëm.
“Unë si kryetar i fshatit, nga shqetësimet e disa banorëve që kanë ardhur për këtë bypass, që do të ndërtohet. Është një gjë shqetësuese që ky bypass, në radhë të parë ato projektuese që e kanë nisur këtë projekt nuk e kanë marrë mendimin e popullit dhe nga përgjigjja që ka kthyer Fondi i zhvillimit, ky bypass i jep zhvillim rrugës ekzistuese. Ky projekt shkatërron prona, shkatërron shpi, lokale, biznese dhe nuk i jep përmirësim. Ky bypass prej 700 metrash është jashtë çdo lloj standarti, se të thuash që do liroj trafikun, 7000 metra nuk e liron. Ky bypass është për të vjedh pronat dhe për të shkatërruar çdo gjë këtu. Para zgjedhjeve u deklarua se nuk do bëhet ky bypass dhe u la dakord të bëhej diku tjetër. Kryetari i bashkisë ka qenë vetë prezent edhe Damian Gjiknuri. Në qoftë se ato do bëjnë një rrugë për të liruar qarkullimin, le të lirojnë rrugën ekzistuese. Kjo është 400 metra rrugë e drejtë, nuk ka as malore, asgjë, kjo nuk është bypass por për të vjedh lekët tona” – u shpreh kryeplaku i fshatit.
Të pranishëm në protestën kanë qenë edhe administratori hotelesh, ku drejtuesit vendor e qendror gjatë fushatës elektorale u thanë banorëve tjetër gjë e sot po bëhet krejt e kundërta.
Discussion about this post