Banorët e Rinasit dhe të fshatrave përreth pritet që të mbajnë një tjetër protestë ditën e nesërme. Për të tretën ditë radhazi, ata do të dalin në orën 10:00 të paradites për të bllokuar rrugën, e cila është bërë me një sens lëvizjeje kur nisesh për në aeroportin e Rinasit.
Qytetarët i kanë dërguar sërish një kërkesë-njoftim policisë së Krujës, në të cilën shkruajnë se protesta do të zgjasë deri në orën 12:00 të drekës.
Për dy orë me radhë, banorët e Rinasit e të fshatrave përreth u përplasën me policinë, pasi bllokuan rrugën për të kundërshtuar vendimin e Autoritetit Rrugor Shqiptar.
Gjithashtu, banorët e shqetësuar shprehen të revoltuar se nëse nuk ka zgjidhje do të vijojnë edhe ditët e tjera protestën e tyre.
Kujtojmë se, disa ditë më parë, ARRSH vendosi se qarkullimi drejt Aeroportit do të realizohej me një krah lëvizje me drejtimin nga qafë Kashari-Rrethrrotullimi i “Nënë Terezës”-Ahmetaq, deri në rehabilitimin e aksit rrugor. Mjetet që vijnë nga veriu për në Rinas duhet të ndjekin lëvizjen Fushë Krujë-Vorë-Qafë Kashar-Aeroport.
Discussion about this post