Banorët e fshatit Rrjol në Velipojë janë mbledhur sot para ambienteve të SPAK për të zhvilluar një protestë kundër ndërtimit të një resorti në zonën e tyre.
Ata kanë shprehur shqetësimin se ky projekt do të dëmtojë mjedisin dhe jetesën e tyre, duke i prekur direkt pasuritë natyrore dhe traditat e zonës.
Banorët kërkojnë që të respektohen interesat e tyre dhe të ndalohet ndërtimi i resortit.
Ky protestë nuk është hera e parë që banorët e Rrjollit dalin në shesh për të kundërshtuar këtë projekt.
Ata kanë ngritur më parë shqetësimet e tyre për pasojat që mund të sjellë ndërtimi i resortit, duke kërkuar që të bëhet një shqyrtim i plotë i ndikimit mjedisor dhe social të tij.
Tensionet janë të larta, ndërsa banorët kërkojnë përgjigje nga autoritetet dhe institucioni i Prokurorisë së Posaçme për këtë çështje.
“Personi që ka marrë pronën nuk ekziston fare këtu, nuk ka emër. Secili prej anëtarëve këtu ka emër, ai jo. Ky dokument është origjinal, e kam marrë në bashki. Ata nuk na lejuan që t’i regjistrojmë pronat tona, le të rrinë vetëm kriminelët, por unë nuk kam frikë nga askush. Po ju bëj një thirrje personave që mendojnë se kanë blerë tokë këtu, nga persona që nuk janë banorët e fshatit. Ju lutem bëni kthesë dhe mos u bëni pre e horrave, mos blini tokë pa qenë fshatarë të zonës, të cilët do t’ju pajisin me dokumente të pronës që kanë blerë nga të parët tanë”, thanë banorët.
Discussion about this post