Banorët e Kaçinarit kanë kërkuar anulimin e lejeve për ndërtimin e HEC-eve. Kjo kërkesë nga ana e banorëve vjen pasi, ngrenë dyshime se ka shkelje te procedurave, falsifikim dokumentesh dhe se HEC-et do të ndërtohen mbi një zonë të mbrojtur.
Për të shqyrtuar këto pretendime, Gjykata e Lezhës ka kërkuar 3 javë kohë. Avokati i çështjes Klodian Reçi u shpreh se ka patur shkelje të procedurave ligjore ndërsa do të shkojnë për ndjekje penale për disa zyrtarë për falsifikim dokumentesh dhe shpërdorim si dhe pronari i firmë “Shperdhaza Energji” që po bën ndërtimin e HEC-ve.
“Nga ana e prokurorisë në Lezhë, është kërkuar që të mbyllen hetimet, pasi sipas tyre nuk ka asnjë fajtor. Gjithë procedura për miratimin e koncesionit dhe lejes mjedisore. Janë bërë të gjitha në përputhje me ligjin. Këto fakte rezulton të pavërteta pasi vetë shkresa zyrtare të shtetit shqiptar të agjencisë përkatëse të mjedisit dhe të bashkisë Mirditë është miratuar si monument natyror bazuar mbi ligjin 81 2017. Mënyra si është dhënë koncesioni, mënyra si është miratuar nga ana e këshillit të bashkisë duke falsifikuar firmat dhe mungesa e bërjes së konsultave dhe dëgjesa e këtyre banorëve që preken nga ndërtimi i këtij HEC-i”, ka thënë avokati.
Nga ana tjetër banorë thonë se prej dy vitesh vijojnë ti qëndrojnë besnik kauzës së tyre dhe se nuk do të lejojnë ndërtimin e asnjë Hidrocentrali në zonën e tyre.
“Ne si komunitet në mënyrë kategorike nuk do ta lejojmë asnjë lloj investimi të shkeljes së ligjit. Ne na dëmtohet prona komplet, se një tokë që është pa ujë s’ka asnjë lloj zhvillimi”, është shprehur banori
Banorët e fshatrave që preken nga ndërtimi i HEC-eve në Njësitë Administrative Kaçinar vijojnë me protesta prej dy vitesh, duke kundërshtuar zbatimin e këtyre projekteve në zonën e tyre.
Discussion about this post